Mi estas Dovilė

Kalman Kristnaskon mi deziras al vi…

Dovilė — Wed, 24 Dec 2008 16:53:32 +0000

(la bildeto de ĉi tie)

Ĉu vi scias, kian versaĵon mi ĉiam deklamis ĉe Kristnaska piceo?

Tien, vintreto, bellanugo,

Ni kuradu, ni kunestu,

Ni militu do je neĝo, –

Por varmiĝi, plezuriĝi.

Sed la vintro diras: „Knabo…

Eĥ, mi ne memoras la finaĵon de la versaĵo. : )

Al mi ĉiam pli plaĉis atendi Kristnaskon ol Kristnasko mem, sed ĝi ja finfine alvenis…

Mi deziras al vi kalman kaj belan feston.

Denove pri la tempo

Dovilė — Tue, 28 Oct 2008 11:23:00 +0000

La patrino diras, ke mi estas krotalo, ĉar mi tre laŭte premadas la klavojn de la klavaro.

Sed vi ne kredos, kiom da jaroj ŝi hieraŭ ekhavis…

Ĉi-kiale mi faris kaj pendigis sur muron la Esperantan flagon.

Pri la tempo

Dovilė — Sun, 26 Oct 2008 12:38:47 +0000

Printempe la turnado de horloĝoj je la horo antaŭen indas almenaŭ pro tio, ke aŭtune estas tre agrable repreni tian horon.

Mmm, estas ankoraŭ 14:31…

Ŝparu monon kun „TypingWeb“

Dovilė — Sat, 25 Oct 2008 14:05:17 +0000

Mi ne povas diri, ke antaŭe mi tajpis lante – mi nur konstante rigardis al klavaro por ke mi trafu la necesan klavon, kaj miaj manoj tre rapide laciĝis pro la ofta tajpado, do mi, leginte la afiŝon de Žilvinas Sadauskas (Ĵilvinas Sadaŭskas), rememoris mian malnovan revon – ellerni tajpi „blinde“, ĉar:

Iomete trejninte sin kaj manojn sur klavaro tenante regule, oni povas tajpi pli rapide ol tiuj, kiuj siajn manojn tenas kiel ajn;
Oniaj manoj preskaŭ ne laciĝas;
En ĉambro oni ne devas konekti lampon nur por ke oni ekvidu klavojn – tio estas tre utile precipe tiam, kiam oni pasigas nokton ĉe komputilo pro siaj kreadaj suferoj (rigardu la titolon de ĉi tiu afiŝo);
Tajpante blinde, oni aspektas tre solide.

Mi iomete serĉis la informon pri tia tajpado ĉe Google, legis pri la muskolmemoro (angl. muscle memory) kaj trovis unu sufiĉe simpatian, senpagajn ekzercojn de la blinda tajpado proponantan retan servon. Aspektas ĝi pli-malpli tiel:

Lerninte, – verdire, eĉ ne fininte la kurson por komencantoj, – mi jam povas tajpi preskaŭ 50 vortojn dum unu minuto angle kaj iomete malpli rapide litove kaj Esperante (pro tio estas kulpa ne oportuna qwerty dispozicio kaj etaj miaj manetoj, mi pensas). Ho, tio ja estas tre „rapide“. : ) Sed pli efektiva trajnado estas praktikado.

Do, mi ja praktikas, tajpante ĉi tiun skribaĵon. Mi fanfaronos iomete: korekti la erarojn mi devis eble nur centfoje…

Pri la malnova kulturo de litovoj

Dovilė — Sat, 18 Oct 2008 08:01:03 +0000

Ĉi-sence, la malnova nia kulturo al ni tre necesas, kvankam ni ne konscias ĉi tiun signifon same kiel ni ne konscias ankaŭ la neceson de la aero, se ĝi ne mankas.

— Aleksandras Žarskus

La didaktika prelegeto

Dovilė — Fri, 17 Oct 2008 16:29:00 +0000

Ĝuste ĉi-dimanĉe, kiam la veterprognozoj ne promesas ion bonan, ĉe Vilkaviškis komencos la tradicia biciklado. Ni, la esperansistoj de Vilkaviškis, planis ĉeesti ĝin kaj formi etan grupeton, kies ĉiu ano estos dandinta sin kun iaj simboloj de Esperanto, – eble iu ekinteresiĝos pri Esperanto, kaj la verda koloro ĝenerale ĉiam aperas bone…

Estas tre bedaŭrinde, precipe kiam mi sidas malsanante, kaj mia gorĝo doloregas, ĉar antaŭ kelkaj horoj mi decidis, ke estos sufiĉe plezure kelkfoje ĉirkaŭveturi mian urbeton kun la biciklo. Vestiĝinte la somervestojn.

Tamen kun gantoj!

Reveninte hejmen, mi sidis kaj ne moviĝis dum eble duonhoro.

Estas malvarme jam. Vestiĝu sin. Kaj ne iru trans strato, kiam la ruĝkolora lumo… lumas. Atendu la verdan – ĝi ja estas pli bela.

Saluton, mondo!

Dovilė — Sun, 12 Oct 2008 21:42:54 +0000

Mi scias, silentis mi jam longe, sed mi havas praviĝon pro tio – mi… translokigis miajn retajn meblojn.

Jam je la sepa de julio, kiam mia litova reta taglibro fariĝis nek juna, nek olda – dujaraĝa, mi menciis, ke mi havas planon pri ĝia futuro, tamen tiam mi ne volis certe prirakonti ĝin, ĉar mi ankoraŭ ne sciis, kiam ĝi efektiviĝos. Sed hodiaŭ al mi ne necesas teni mian revon kvazaŭ la sekreton: tiam mi parolis pri la dulingva reta taglibreto, kiun mi skribus ĉe mia propra reta hejmo. Efektiviĝi ĝin al mi antaŭe ĝenis mia timo pri la nova komenco, tamen ĝi iom post iom fariĝis la volo fine komenci tion, pri kio mi tiom multe revis.

Kaj rekte tiam, kiam mi jam decidis fari ION por la nova taglibro, en mia vojo aperis la persono, kiu piedbatis mian postaĵon kaj proponis helpi al mi pri ĝia estigado kaj prizorgado. Nu, mi ja ne povis ne foruzi tian ŝancon. ; )

Mi tre volas danki al Arnolĉjo, kiu definitive vigligis min translogigi el la BLOGas.lt sistemo, ankaŭ al Tomas, kiu helpis al mi traduki la ŝablonojn de tiu ĉi taglibro, al Saulius – la aŭtoro de la www.esudovile.net hejmpaĝo, kaj al ĉiuj miajn taglibrojn legintaj, al mi leterojn sendintaj kaj alie min subtenintaj geesperantistoj kaj gelitovoj. Dankon! Se ne estus vi, ankaŭ ĉi tiu paĝo ne estus.

Mi longe pensis, kion fari kun la malnovaj afiŝoj: ĉu transigi ilin al la nova hejmo kaj daŭri la estintan skribadon, ĉu ĉion komenci denove. Antaŭe mi tajpis ne nur en diferencaj lingvoj kaj ĉe diferencaj lokoj, sed ankaŭ pri diferencaj temoj. Tamen mi finfine ekkomprenis, ke al mi verŝajne minacas la duobliĝado de mia personeco : ), do mi decidis tajpi ĉe la sama loko kaj en la sama temo, sed en du lingvoj. Memkompreneble, tiamaniere mi mem peziĝas mian aŭtoran portaĵon, sed…

Nu, jam estas sufiĉe da parolaĉoj. : ) Ĝis plu!